Özbekistan Tışqı işler nazirliginiñ malümatına köre, Özbekistan Qırımnı Rusiye Federatsiyasınıñ qısmı olaraq tanımayıp, Moskva ve Kiyevni eki taraflama muzakereler keçirilmesine çağıra.
«Bugün Ukraina ve Qırımda üküm sürgen vaziyetniñ ola bilecek neticeleri, ukrain ve rus halqlarınıñ asırlar devamında olğan qardaşlıq munasebetleri, tarih neticesinde şekillenip kelgen maneviy ve medeniy qıymetler umumiyligi, olarnıñ iqtisadiy alâqalarını köz ögüne alıp, peyda olğan problemlerniñ çezilmesine eki taraflama muzakereler yardım ete bile», – dep qayd etile Tışqı işler nazirliginiñ beyanatında.
Nazirlikte deyler ki, «ne qadar çoq vaqıt sarf etilse, vaziyet o qadar kerginleşe ve zıddiyet daa beter ola».
Qırım statusı meselesi boyunca referendum martnıñ 16-da olıp keçti. Qırımnıñ öz başına tayinlengen akimiyetiniñ malümatına köre, yarımada sakinleriniñ 96,6% Rusiye Federatsiyası ile yañıdan birleşüvge qol tuttı.
Martnıñ 18-de Rusiye ve Qırım cumhuriyetniñ, şu cümleden Aqyarnıñ, Rusiyege qoşulması aqqında añlaşma imzaladılar. Martnıñ 21-de Rusiye prezidenti Vladimir Putin Qırım ve Aqyarnıñ Rusiyege federatsiya subyektleri olaraq qoşulması aqqında qanunnı imzaladı.
«Bugün Ukraina ve Qırımda üküm sürgen vaziyetniñ ola bilecek neticeleri, ukrain ve rus halqlarınıñ asırlar devamında olğan qardaşlıq munasebetleri, tarih neticesinde şekillenip kelgen maneviy ve medeniy qıymetler umumiyligi, olarnıñ iqtisadiy alâqalarını köz ögüne alıp, peyda olğan problemlerniñ çezilmesine eki taraflama muzakereler yardım ete bile», – dep qayd etile Tışqı işler nazirliginiñ beyanatında.
Nazirlikte deyler ki, «ne qadar çoq vaqıt sarf etilse, vaziyet o qadar kerginleşe ve zıddiyet daa beter ola».
Qırım statusı meselesi boyunca referendum martnıñ 16-da olıp keçti. Qırımnıñ öz başına tayinlengen akimiyetiniñ malümatına köre, yarımada sakinleriniñ 96,6% Rusiye Federatsiyası ile yañıdan birleşüvge qol tuttı.
Martnıñ 18-de Rusiye ve Qırım cumhuriyetniñ, şu cümleden Aqyarnıñ, Rusiyege qoşulması aqqında añlaşma imzaladılar. Martnıñ 21-de Rusiye prezidenti Vladimir Putin Qırım ve Aqyarnıñ Rusiyege federatsiya subyektleri olaraq qoşulması aqqında qanunnı imzaladı.
