Link açıqlığı

RFnıñ baş prokurorı Qırım ve Aqyardaki prokurorlarnı tayinledi


Rusiye Federatsiyasınıñ baş prokurorı Yuriy Çayka RFnıñ prokuratura sistemasında Qırım Cumhuriyet ve Aqyar prokuraturalarnıñ teşkil olunuvı aqqında emirni imzaladı ve Qırım ve Aqyarnıñ prokurorlarını tayinledi.

Bu aqta malümat RF baş prokuratura saytında peyda oldı.

Emirde Qırım Cumhuriyetindeki prokuratura ve oña boysunğan şeer ve rayon prokuratura apparatlarınıñ teşkilâtlandıruvı nazarda tutıla. Qırım Cumhuriyetinde umumen 22 territorial prokuratura teşkil olunacaq. Bundan da ğayrı, işbu vesiqada intizamlı muessiselerde qanunlarğa riayet etüvi boyunca Qırım prokuratura, Aqmescit ve Keriç rayonlarda tabiat qoruv prokuraturalarnıñ teşkil olunuvı da qayd etile.

Aqyar prokuraturasınıñ teşkil olunuvında şeer ve şeer rayonlarinıñ 4 territorial prokuraturalarınıñ peyda oluvı da nazarda tutıla. Bundan da ğayrı, Aqyar rayonara tabiat qoruv prokuraturası da peyda olacaq.

Şu sırada Cenübiy naqliy prokuratura terkibinde Keriç, Qırım ve Aqyar naqliy prokuraturalar teşkil olunacaq. Bunıñnen beraber, Rusiye baş prokuraturasınıñ emirinen RF Qara deñiz flotunıñ prokuraturası da peyda olacaq.
.
Qırım Cumhuriyetiniñ prokuror vazifesini eda etken – Poklonskaya Natalya Volodımırivna, Aqyarnıñ prokuror vazifesini eda etken – Şevçenko İgor Sergiyovıç oldı, qayd etile RF Baş prokuraturasınıñ beyanatnamesinde.
XS
SM
MD
LG