Qırımdan Geniçesk territoriyasından çıqarılğan Ukrain deñiz piyade askerleri Melitopolge taba keteler.
Bunı öz Facebook saifesinde arbiy-siyasiy taqiqatlar merkeziniñ yolbaşçısı Dmıtro Tımçuk bildire.
«Mında, Ukraina Silâlı Quvetleriniñ bir arbiy qısımınıñ bazasında, QMCden çıqarılğan askerleriniñ qabul olunuv punktı açıldı. Bundan soñ askerler Odessa vilâyetiniñ bir meskün yerine yol alacaqlar. Anda şu batalyonnıñ esasında 1-nci deñiz piyade brigadası teşkil olunacaq», – dep yazdı o.
Bunıñnen bir sırada Qırımdan Ukraina SQ diger qısım ve bolüklerniñ, hususan antqa sadıq qalğanlarınıñ çıqarıluvınen bağlı meseleler de baqıla.
Tımçuknıñ bergen malümatlarğa kore, al-azırda tehnika ve silâlarnen, em de arbiy qısımlarnıñ mulkünen ne olacaq daa belli degil. Arbiy muessiseler telefon vastasınen Rusiye SQ Esas ştabı ve Mudaafa nazirliginen muzakerelerni keçirmekteler. Amma RF yuqarı komandanlığı Qırımda yerleşken ukrain arbiy qısımları aqqında söz yürsetmek ve şu meselelerni çezmek içün istek kostermey.
Bugün Ukrain parlamentiniñ toplaşuvında mudaafa naziriniñ vazifelerni eda etken İgor Tenühniñ aytqanı kibi, Qırım Muhtar Cumhuriyetinden 6,5 biñden ziyade asker ve olarnıñ aile azaları çıqmağa istey. Onıñ aytqanına kore, rusiye cenk istilâsı başlağanda, Qırım ve Aqyarda 18 800 ukrain askeri, olardan deñiz-arbiy quvetlerniñ – 11900 vekili, Ava quvetlerniñ – 2900 vekili bar edi.
Bunı öz Facebook saifesinde arbiy-siyasiy taqiqatlar merkeziniñ yolbaşçısı Dmıtro Tımçuk bildire.
«Mında, Ukraina Silâlı Quvetleriniñ bir arbiy qısımınıñ bazasında, QMCden çıqarılğan askerleriniñ qabul olunuv punktı açıldı. Bundan soñ askerler Odessa vilâyetiniñ bir meskün yerine yol alacaqlar. Anda şu batalyonnıñ esasında 1-nci deñiz piyade brigadası teşkil olunacaq», – dep yazdı o.
Bunıñnen bir sırada Qırımdan Ukraina SQ diger qısım ve bolüklerniñ, hususan antqa sadıq qalğanlarınıñ çıqarıluvınen bağlı meseleler de baqıla.
Tımçuknıñ bergen malümatlarğa kore, al-azırda tehnika ve silâlarnen, em de arbiy qısımlarnıñ mulkünen ne olacaq daa belli degil. Arbiy muessiseler telefon vastasınen Rusiye SQ Esas ştabı ve Mudaafa nazirliginen muzakerelerni keçirmekteler. Amma RF yuqarı komandanlığı Qırımda yerleşken ukrain arbiy qısımları aqqında söz yürsetmek ve şu meselelerni çezmek içün istek kostermey.
Bugün Ukrain parlamentiniñ toplaşuvında mudaafa naziriniñ vazifelerni eda etken İgor Tenühniñ aytqanı kibi, Qırım Muhtar Cumhuriyetinden 6,5 biñden ziyade asker ve olarnıñ aile azaları çıqmağa istey. Onıñ aytqanına kore, rusiye cenk istilâsı başlağanda, Qırım ve Aqyarda 18 800 ukrain askeri, olardan deñiz-arbiy quvetlerniñ – 11900 vekili, Ava quvetlerniñ – 2900 vekili bar edi.
