Link açıqlığı

Saatnıñ esas haberi

«Hersones Tavriçeskiy»niñ baş mudiri qorur içün federal statusını istey


Aqyarda yerleşken «Hersones Tavriçeskiy» qorurı Rusiye Federatsiya medeniyetiniñ devlet federal bücet muessiselerniñ sırasına kirmek kerektir, bunı qorurnıñ baş mudiri Leonid Junko bildirdi, dep yaza «Novıy Sevastopol» (http://www.new-sebastopol.com/).

«Boyle ketişat 2013 senesi iyün ayında YÜNESKOnıñ butündünya medeniy asabalıq cedveline kirsetilgen «Hersones Tavriçeskiy» ukrain Miilliy qorurnıñ şimdiki statusından kelip çıqa. Bundan da ğayrı, Hersoneste Rusniñ vaftizi olğan edi. Bugün Hersones yerli vizantistikanıñ merkezi olaraq tanıla. Eger de muzey federal muessise olıp belgilense, şu status oña tamamınen mensüp olur», – dedi Junko.

Baş mudirniñ aytqanına kore, qorurnıñ statusı deñiştirüv neticesinde yerli uquqiy baza da RF uquqlarına kore teşkil olunmalı.

O, qol tutuv içün RF Cemiyet palatasına muracaat etmege niyetlene. Aqyar devlet administratsiyasınıñ medeniyet İdaresi RF medeniyet nazirliginen muzakerelerni keçirmekte.

Ukraina medeniyet Nazirligi rusiye işğali neticesinde ukrain alimler içün qapalı olunğan «Hersones Tavriçeskiy» qorurını qorçalamaq içün YÜNESKOğa muracaatta bulundı.
XS
SM
MD
LG