Link açıqlığı

Saatnıñ esas haberi

Polkovnik Mamçur – esirlikte, piyade askerlerniñ taqdiri belgisizdir


Aqyar civarındaki Belbek ukrain taktik aviatsiya batalyonnıñ komandanı Yuliy Mamçur alâ daa eskirlikte buluna, bilidire UNİAN (http://www.unian.net/).

«Şuster LIVE» yayını devamında ofitserniñ qadını Larisa Mamçur omür-arqadaşınıñ alâ daa esirlikte bulunğanı ve onıñnen bağ olmağanı aqqinda tarif etti.

Yuliy Mamçur mart 22 kunü Belbek aviabolügi rusiye askerleri ve «Qırım imayesi» tarafından ucümğa oğrağanda esirge alındı. Onı sanki muzakere içün alıp kettiler, amma soñ belli olğanı kibi, Yuliy Mamçurnı apis etip, Aqyar türmesine atqan ekenler. Ukraina prezident vazifelerni eda etken Oleksandr Turçinov deral ofitserni azat etmege talap etti.

Bunıñnen beraber Dmıtro Delâtıtskiy, Kefe deñiz piyade batalyonnıñ komandanı ve onıñ muavini Rostıslav Lomtevniñ taqidrleri de alâ daa belgisiz qala. Olarnı tünevin rusiye spetsnazı basıp alğan arbiy qısımdan alıp kettiler.

Keçken afta Aqyarda rusiye tarafdarları Ukraina Arbiy-Deñiz quvetleriniñ ştabını basıp, flotnıñ komandanı Sergiy Gayduknı esirge aldılar. Rusiye mudaafa naziri Sergiy Şoyganıñ öz-özüni tayin etken Qırım akimiyetine muracaatından soñ, Gayduknı yolladılar.
XS
SM
MD
LG