Link açıqlığı

Arbiy hızmetçileri ve olarnıñ qoranta azaları Qırım toprağını terk etmege istey. Olarnıñ saysı 6,5 biñ insanğa bara.

Bunı parlament çıqışında Ukraina mudaafa naziriniñ vazifelerni eda etken İğor Tenüh bildirdi.

«6,5 biñden ziyade asker ve olarnıñ aile azaları (4300 – arbiy hızmetçi, 2200 – qoranta azaları) Qırım Muhtar Cumhuriyetinden çıqmağa ve öz hızmetini Ukrain Silâlı Quvetlerinde devam etmege istey», – qayd etti Tenüh.

Onıñ aytqanına kore, rusiye cenk istilâsı başlağanda, Qırım ve Aqyarda 18 800 ukrain askeri, olardan deñiz-arbiy quvetlerniñ – 11900 vekili, Ava quvetlerniñ – 2900 vekili bar edi.
XS
SM
MD
LG