Mart 24-de Kiyevde qırımtatar halqınıñ lideri, Ukraina halq deputatı Mustafa Cemilevniñ milliy azlıqlar işi boyunca OBSE Baş Komissarı Astrıd Tors ile korüşüvi olıp keçti.
Bunı qırımtatar milliy Meclisniñ press-hızmeti bildire.
Rusiye ordularnıñ tarafından Qırım basılğan, işğal olunğan soñ, "referendum"nıñ keçirilüvinden ve resmiy anneksiyadan soñ Ukrainada uküm sürgen vaziyetni ogrenmek maqsadınen kelgen Baş Komissar devlet şahıslarınen ve cemaat teşkilâtlarnıñ yolbaşçılarınen bir sıra korüşüvlerni keçirmekte.
Mustafa Cemilevnen korüşüv olardan birisi oldı. Subet devamında Astrıd Tors işğal olunğan Qırımda diger ukrain grajdanlarınen birlikte qalğan qırımtatarlarnıñ taqdirinen meraqlana edi. Vaziyetniñ çeziliş yollarını ve qırımtatarlarnıñ Ukraina tamır halqı olaraq aqqlarnıñ tiklenüvi meselesindeki noqtaiy-nazarını muzakere ettiler.
Bundan da ğayrı, Cemilev Baş Komissarğa Qırımda sıqı surette yüz bergen insan aqqlarnıñ bozuluvı – oldürüvler, qorquzuvlar, insanlarnı esirge alınuvı ve rusiyenen qırım akimiyeti tarafından informatsion sıqıştıruvı aqqında beyan etti.
Bunıñnen beraber subet devamında qırımtatar milliy Qurultayınıñ kün mevzusını, qırımtatar halqınıñ öz muqadderatını tayin etmek maqsadınen otkerile bilecek referendum aqqında söz yürsetildi.
Mart 29-da, qırımtatar Qurultaynıñ VI çağıruvınıñ nevbetten tış sessiyasında «Qırım içtimaiy-siyasiy vaziyeti ve qırımtatar halqınıñ milliy idare etüv organlarnıñ vaziyeti aqqında» sualler baqılacaq.
Bunı qırımtatar milliy Meclisniñ press-hızmeti bildire.
Rusiye ordularnıñ tarafından Qırım basılğan, işğal olunğan soñ, "referendum"nıñ keçirilüvinden ve resmiy anneksiyadan soñ Ukrainada uküm sürgen vaziyetni ogrenmek maqsadınen kelgen Baş Komissar devlet şahıslarınen ve cemaat teşkilâtlarnıñ yolbaşçılarınen bir sıra korüşüvlerni keçirmekte.
Mustafa Cemilevnen korüşüv olardan birisi oldı. Subet devamında Astrıd Tors işğal olunğan Qırımda diger ukrain grajdanlarınen birlikte qalğan qırımtatarlarnıñ taqdirinen meraqlana edi. Vaziyetniñ çeziliş yollarını ve qırımtatarlarnıñ Ukraina tamır halqı olaraq aqqlarnıñ tiklenüvi meselesindeki noqtaiy-nazarını muzakere ettiler.
Bundan da ğayrı, Cemilev Baş Komissarğa Qırımda sıqı surette yüz bergen insan aqqlarnıñ bozuluvı – oldürüvler, qorquzuvlar, insanlarnı esirge alınuvı ve rusiyenen qırım akimiyeti tarafından informatsion sıqıştıruvı aqqında beyan etti.
Bunıñnen beraber subet devamında qırımtatar milliy Qurultayınıñ kün mevzusını, qırımtatar halqınıñ öz muqadderatını tayin etmek maqsadınen otkerile bilecek referendum aqqında söz yürsetildi.
Mart 29-da, qırımtatar Qurultaynıñ VI çağıruvınıñ nevbetten tış sessiyasında «Qırım içtimaiy-siyasiy vaziyeti ve qırımtatar halqınıñ milliy idare etüv organlarnıñ vaziyeti aqqında» sualler baqılacaq.
