Link açıqlığı

Bugünden başlap, Qırımda esaplav resmen rusiye rublesi ile etilecek


Qırım Banknıñ reisi Mıkola Barilükniñ berilgen malümatına kore, rusiye rublesine keçüv yaldamlı olacaq, 2016 senesi yanvar 1-ne qadar em grivna, em rublelerni qullanmağa mumkün olur.

Amma, memurnıñ aytqanı kibi, ruble – yarımadada esas para birlemi olacaqtır, yani aylıq, maaş, stipendiya, endiden başlap, rusiye rublesi ile berilecek. Rusiye parası ket-kete ukrain grivnanıñ yerini almalıdır. Maileviy durumınıñ stabilligi içün Moskva eñ yaqın kelecekte Qırımğa 1 milliard ruble miqdarında yardım kostermege niyetini bildire.

Ria Novosti muhbiriniñ bergen malümatına kore, yarımadada grivna qıtlığı endi duyulmaqtadır. Ticariy banklarnıñ ekseriyeti bankomatlardan berilgen peşin paranıñ miqdarını sıñırladı – kunde 300-500 grivnadan çoq berilmey. Banklarda alıcılarınıñ uzun nevbetlerini kormege mumkün.

Banklarnıñ taqidiri de şimdi belli degil, olarnıñ çoqusı – ukrain banklarınıñ filiallarıdır. Eger de Kiyev qırımlılarnıñ emanetlerini qapatsa, yerli akimiyet ukrain devlet mulkini milliyleştirip satmağa ve boyleliknen butün ziyanlarnı tazmin etmege vade ete.
XS
SM
MD
LG