Link açıqlığı

Aqyarnıñ 1-nci deñiz piyade batalyonnıñ rusiye askerleri tarafından ucümi vaqtında ukrain arbiyleriniñ bazıları yaralandı ve esirge tüşti, dep bildire Ukraina Mudaafa Nazirligi.

«Evelden alınğan malümatqa kore, ucüm neticesinde bir qaç ukrain askeri yaralanğandır. Batalyonnıñ komandanı podpolkovnik Dmitro Delâtitskiy ve şahsiy erkânnıñ işlerinen oğraşqan hızmetçiniñ muavini Rostislav Lomtev eñ ağır zararlarnı korgenlerden oldılar. Olarnı ucüm etkenler yerge avdarıp, ayaqlarnen betlerine ura ediler. Bundan soñ, eki ukrain ofitserni vertolötqa oturttıp, belgisiz yönelişke alıp kettiler» – dep bildirile muessisede.

Nazirlikte olğan malümatqa binayen, rusiye askerleri Ukraina Silâlı Quvetleriniñ arbiy adamlarını hastahanelerge, zaruriy tibbiyet yardımı içün alıp barmağa imkân bermediler.

«Al-azırda Aqyarnıñ deñiz limanında 60-tan 80-ge qadar ukrain piyade askerleri rusiye arbiylerniñ esaretinde bulunalar. Olarnı ruhiy ceetten sıqıştırmağa devam eteler», – qayd eteler Ukraina Mudaafa Nazirliginde.

Batalyon askerleriniñ aytqanı kibi, rusiye arbiylerniñ esas talabı – ukrain arbiy qısmı ofitserleriniñ Qırımdan Ukrainağa mecburiy alda ketkenleridir. Tek boyle alda esirlerni yollaycaq ekenler.

Rusiye arbiyleri Aqyardaki deñiz piyade askerlerniñ ucümini bugün saat 04:20 civarında başladılar. Ucüminiñ başlanmasınen ukrain arbiy qısımına eki Mi-8 vertolötından rusiye desantı endi. Arbiy qısımınıñ ucümini granata ve avtomatik silâ qullanuvınen ile keçirdiler. Rusiye Federatsiyasınıñ SQ askerleri batalyon perimetriniñ etrafını sarıp, yolnı eki BTRnen qapatıp, kazarmanıñ ucümina başladılar.
XS
SM
MD
LG