SNBO Mudaafa Nazirligine Qırımda yerleşken arbiy qısımlarınıñ avuştıruvını keçirmege avale etti.
Bunı Ukraina Prezidenti vazifelerni vaqtınca eda etken, Ukraina Yuqarı Şurasınıñ reisi Oleksandr Turçınov bildirdi.
Boyle qarar alınmasınıñ sebebi – gece Aqyarda Ukraina Silâlı Quvetleriniñ deñiz piyade bolügi askerlerine rusiye ordusı tarafından qarşı etilgen ucümdir.
«Aqiqaten, şimdi Qırımda bulunğan askerlerniñ yaşayışları buyük havf astında, olarnıñ qorantalarını, memleketke sadıq qalğan vatanperver insanlarnı taqip eteler ve qıynaylar», – qayd etti Turçınov.
Boyleliknen, Mudaafa nazirligine Qırımda yerleşken arbiy qısımlarınıñ avuştıruvını keçirmege, ukrain akimiyetine ise – telükeli şaraitte yaşağan arbiylerniñ qorantalarını da alıp çıqmağa vazife berildi.
Ayrıca, Nazirler Kabinetine rusiye ordusınıñ sıqıştıruvı sebebinde öz evlerini taşlap ketmege mecbur olğan arbiylerniñ qorantalarınıñ yerleşüvine de yardımcı olmağa avale etildi.
Bunı Ukraina Prezidenti vazifelerni vaqtınca eda etken, Ukraina Yuqarı Şurasınıñ reisi Oleksandr Turçınov bildirdi.
Boyle qarar alınmasınıñ sebebi – gece Aqyarda Ukraina Silâlı Quvetleriniñ deñiz piyade bolügi askerlerine rusiye ordusı tarafından qarşı etilgen ucümdir.
«Aqiqaten, şimdi Qırımda bulunğan askerlerniñ yaşayışları buyük havf astında, olarnıñ qorantalarını, memleketke sadıq qalğan vatanperver insanlarnı taqip eteler ve qıynaylar», – qayd etti Turçınov.
Boyleliknen, Mudaafa nazirligine Qırımda yerleşken arbiy qısımlarınıñ avuştıruvını keçirmege, ukrain akimiyetine ise – telükeli şaraitte yaşağan arbiylerniñ qorantalarını da alıp çıqmağa vazife berildi.
Ayrıca, Nazirler Kabinetine rusiye ordusınıñ sıqıştıruvı sebebinde öz evlerini taşlap ketmege mecbur olğan arbiylerniñ qorantalarınıñ yerleşüvine de yardımcı olmağa avale etildi.
