Link açıqlığı

Rusiye tarafından işğal olunğan Qırımda ukrain arbiylerinen yüzbergen vaziyetten çıqmaq içün «memleketniñ siyasiy yolbaşçılığınıñ munasip qararı olmalı», – dep ilân etti vaqtınca mudaafa nazirliginiñ başı vazifesini eda etken İgor Tenüh.

«Ukraina» telekanalında kosterilgen «Sobıtiya» programmasında о boyle dedi: «Ukraina silâlı quvetleri «bir şey etmeyler», «vaziyetke kirişmeyler» degen siyasetçilerge cevap bermege isteyim. Ordu areketke başlaması içün, şu siyasetçiler munasip siyasiy qararnı qabul etmek kerekler. O vaqıt Silâlı quvetler areket etmege başlarlar! Şimdi, siyasiy qararı olmağanda, ordunıñ boyle meselelerni çezmege aqqı yoqtır», – bunı Mudaafa nazirliginiñ matbuat ve haberler idaresinde qayd eteler.

Tenüh askerlerniñ memleket yolbaşçılığına Qırımda ukümsürgen fevqulâde vaziyet aqqında er kün haber etkenlerini de qoşma olaraq aytıp keçti.

Rusiye tarafından basılğan ve işğal olunğan yarımadada rusiye arbiyleri ket-kete ep yañı arbiy qısımlarını ve Ukraina Silâlı quvetleriniñ gemilerini zapt eteler. Amma olarnıñ diger qısmı şu basımğa qarşılıq kostermege devam ete.
XS
SM
MD
LG