Link açıqlığı

Qırımda esirge alınğan «Vavilon’13» birleşmesiniñ operatorları azat etildiler


«Vavilon’13» adlı kinamatografik birleşmesiniñ operatorları Yaroslav Pilunskiy ve Yuriy Gruzinov esaretlikten azat olundılar ve al-azırda Qırımnıñ tışında bulunmaqtalar. Bu aqta «Jurnalistik taqiqatlar merkezi» ne prezident memuriyet başlığınıñ muavini vazifesini vaqtınca eda etken Andrey Sençenko bildirdi

Onıñ aytqanına kore, operatorlar Herson vilâyetinde bulunalar, olarğa tibbiyet yardımı kosterildi. Pilunskiyniñ ozü bildire ki, olarğa kendilerini bir tertipke ketirmek içün biraz vaqıt kerek.

«Serbestliktem, şunıñ içün alım da guzeldir. Amma tafsilâtlarğa berilmege istemeyim, çünki er şey alâ daa aqlımda, ozüme kelmege isteyim, em de tibbiy teşkerüvden keçmek kerekim», – haber ete Pilunskiy.

«Vavilon’13» kinematografist birleşmesiniñ operatorları Yaroslav Pilunskiy ve Yuriy Gruzinovnıñ Aqmescitte martnıñ 16-da, bazar kunü ğayıp olğanları aqqında haber teşkilâtnıñ Facebook saifesinde peyda oldı.

«Yaroslav Pilunskiyniñ maşnası, Mitsubishi Pajero AA7132İN gece STOdan hırsızlandı. Cinayetçiler garajnıñ qapusını bozıp, maşnanı belgisiz yönelişke aydadılar. Malüm ki, operatorlar ukrain arbiyleri içün şeyler posılkasını qarşılamaq kerek ediler. Posılkanıñ meselesi de şimdi belli degil», – dep aytıla edi.

Yaroslav Pilunskiy – qırımlı, Yuriy Gruzinov – rus, Kiyevde yaşay.
XS
SM
MD
LG