Qırımda, eñ azından, 9 insan esirge tüşti ve alâ daa tapılmadı:5 cemaat aktivisti ve 4 arbiy adamı
Bunı öz Facebook saifesinde «Yevromaydan SOS» toplulığı bildirdi. Cemaat aktivistleri Ukraina akimiyetinden coyulğan insanlarnıñ aktiv qıdıruvını talap eteler. Olarnıñ arasında:
Vladislav Polişçuk, cemaat aktivisti
Іvan Bondarets, cemaat aktivisti
Valeriy Vaşçuk, cemaat aktivisti
Abu Yusuf, cemaat aktivisti
Yevgeniy Pivovarov, arbiy adamı
Anatoliy Kalyan, arbiy adamı
Vladislav Neçiporenko, arbiy adamı
Оleksandr Filippov, arbiy adamı
Bundan da ğayrı, «5 kanal» cumaertesi aqşamı Reuters haber agentliginiñ berilgen malümatına tayanıp, Qırımda polkovnik, Belbekteki ukrain arbiy aerodromnıñ komandiri Yuliy Mamçurnıñ coyulğanı aqqında haber berdi. Bunı onıñ оzü Reuters muhbirine bildirdi. Ofitserniñ bulunğan yeri şimdi belli degil. Mudaafa Nazirliginiñ qırım media–merkez spikeriniñ aytqanına kore, polkovnikni soñki kere aerodromnıñ ucümından soñ kordiler, o vaqıt Mamçur «arbiy urbağa kiyingen belgisiz şahısnen» qonuşa edi.
Bundan evel Butünqırım ukrain şurasınıñ reisi Andriy Şçekun 9 kunlik esirden azat etildi. Azatlıq Radiosına berilgen intervyüde o, oğrağan azaplar aqqında tarif etti:
«Dögdiler, qıynadılar, sırtıma urdılar. «Pravıy sector»ğa alâqam barmı dep soray ediler. Kim aqça bere, kim yolbaşçılıq ete. Bundan da ğayrı, bazı qaravullar bile bizni çekiştirdiler, el-ayaqlarımızğa pnevmatik silâdan attılar. Aşamağa, kimerde içmege de bermey ediler. Pek, pek qıyın edi. Amma daa da beter alğa tüşken insanlar da bar edi. Olarnı er gece, er saba ketire ediler. Birisine qulaqnı kesip aldılar. Onıñ ise iç bir şeyge alâqası yoq edi, amma onı «Pravıy sector» dep bellediler».
«Yevromaydan SOS» bir kimse bu insanlar ya da Qırımda yüz bergen diger boyle vaqialar aqqında nasıldır bir malümat bilse, toplulıqnıñ aktivistleri olarnen bağlanmağa rica eteler.
Bunı öz Facebook saifesinde «Yevromaydan SOS» toplulığı bildirdi. Cemaat aktivistleri Ukraina akimiyetinden coyulğan insanlarnıñ aktiv qıdıruvını talap eteler. Olarnıñ arasında:
Vladislav Polişçuk, cemaat aktivisti
Іvan Bondarets, cemaat aktivisti
Valeriy Vaşçuk, cemaat aktivisti
Abu Yusuf, cemaat aktivisti
Yevgeniy Pivovarov, arbiy adamı
Anatoliy Kalyan, arbiy adamı
Vladislav Neçiporenko, arbiy adamı
Оleksandr Filippov, arbiy adamı
Bundan da ğayrı, «5 kanal» cumaertesi aqşamı Reuters haber agentliginiñ berilgen malümatına tayanıp, Qırımda polkovnik, Belbekteki ukrain arbiy aerodromnıñ komandiri Yuliy Mamçurnıñ coyulğanı aqqında haber berdi. Bunı onıñ оzü Reuters muhbirine bildirdi. Ofitserniñ bulunğan yeri şimdi belli degil. Mudaafa Nazirliginiñ qırım media–merkez spikeriniñ aytqanına kore, polkovnikni soñki kere aerodromnıñ ucümından soñ kordiler, o vaqıt Mamçur «arbiy urbağa kiyingen belgisiz şahısnen» qonuşa edi.
Bundan evel Butünqırım ukrain şurasınıñ reisi Andriy Şçekun 9 kunlik esirden azat etildi. Azatlıq Radiosına berilgen intervyüde o, oğrağan azaplar aqqında tarif etti:
«Dögdiler, qıynadılar, sırtıma urdılar. «Pravıy sector»ğa alâqam barmı dep soray ediler. Kim aqça bere, kim yolbaşçılıq ete. Bundan da ğayrı, bazı qaravullar bile bizni çekiştirdiler, el-ayaqlarımızğa pnevmatik silâdan attılar. Aşamağa, kimerde içmege de bermey ediler. Pek, pek qıyın edi. Amma daa da beter alğa tüşken insanlar da bar edi. Olarnı er gece, er saba ketire ediler. Birisine qulaqnı kesip aldılar. Onıñ ise iç bir şeyge alâqası yoq edi, amma onı «Pravıy sector» dep bellediler».
«Yevromaydan SOS» bir kimse bu insanlar ya da Qırımda yüz bergen diger boyle vaqialar aqqında nasıldır bir malümat bilse, toplulıqnıñ aktivistleri olarnen bağlanmağa rica eteler.
