Ukraina Rusiye pasportlarını alğan qırımlılarnı öz grajdanları olaraq tanıy. Bu aqta "Azatlıq Radio"sına berilgen intervyüde Nazirler kabinetiniñ naziri Ostap Semerak bildire.
"Rusiye pasportlarını mecburiy tarzda elde etken Ukraina grajdanları oyle de Ukraina grajdanları olaraq sayılacaq. Boyle qarar belli bir şekilde Ukraina qanunlarına ters kele, çünki Ukraina çift grajdanlıqnı qabul etmey, amma boyle vaziyette, yani Ukraina toprağınıñ işğal olunuvı ve insanlarğa, Ukraina grajdanlarına qomşu memleketniñ pasportlarınıñ tıqılıp berilüvi vaziyetinde, biz bunı qabul etemiz", - qayd ete Semerak.
Salı kunü Moskvada Rusiye prezidenti Vladimir Putin qanunsız referendumnıñ neticesinde Qırımnıñ şimdiki yolbaşçılarınen Qırım ve Aqyarnıñ Rusiye terkibine qoşuluvı aqqında añlaşmanı imzaladı. Bundan da ğayrı, o, Rusiye parlamentine Ukraina toprağınıñ zapt etilüvini tasdıqlamağa teklif etti. Moskva Ukrainanıñ istilâsı ve Qırımnıñ zapt olunuvı "halqara qanunlarına kelişkenini" iddia etmege devam ete.
Dünya toplulıqınıñ ekseriyeti ise Moskva açıqtan-açıq halqara qanunlar esaslarını bozğanını qayd ete.
"Rusiye pasportlarını mecburiy tarzda elde etken Ukraina grajdanları oyle de Ukraina grajdanları olaraq sayılacaq. Boyle qarar belli bir şekilde Ukraina qanunlarına ters kele, çünki Ukraina çift grajdanlıqnı qabul etmey, amma boyle vaziyette, yani Ukraina toprağınıñ işğal olunuvı ve insanlarğa, Ukraina grajdanlarına qomşu memleketniñ pasportlarınıñ tıqılıp berilüvi vaziyetinde, biz bunı qabul etemiz", - qayd ete Semerak.
Salı kunü Moskvada Rusiye prezidenti Vladimir Putin qanunsız referendumnıñ neticesinde Qırımnıñ şimdiki yolbaşçılarınen Qırım ve Aqyarnıñ Rusiye terkibine qoşuluvı aqqında añlaşmanı imzaladı. Bundan da ğayrı, o, Rusiye parlamentine Ukraina toprağınıñ zapt etilüvini tasdıqlamağa teklif etti. Moskva Ukrainanıñ istilâsı ve Qırımnıñ zapt olunuvı "halqara qanunlarına kelişkenini" iddia etmege devam ete.
Dünya toplulıqınıñ ekseriyeti ise Moskva açıqtan-açıq halqara qanunlar esaslarını bozğanını qayd ete.
