Link açıqlığı

Saatnıñ esas haberi

Şingenlik tökip, yaqarım dep qorquzdı. Aqmescitte erkek mikro kredit bölügini çaypadı (+video)


Aqmescitte Rusiye politsiyası mikro kredit bölügine ücüm etkeninden şübheli sayılğan kişini yaqaladı. Qırımdaki Rusiye İç işler nazirliginiñ idaresi bildirgenine köre, kimligi belli olmağan kişi kündüz ofiske kirip, hadimlerge şingenlik tökti ve yaqmağa vade etti. Böylece, 4 biñ ruble para elde etti.

«İşbu cinayet işlegeninden şübheli sayılğan daa evel mülkiyet cinayetleri sebebinden mahküm etilgen 39 yaşında yerli sakin yaqalandı. Yaqalanğan kişi cinayet işlegenini tanıdı. Onıñ aytqanına köre, çoqtan avtomatlarda oynay. Para bitken soñ başqa bir şey uydurıp olamadı, kredit teşkilâtınıñ bölügine ücüm etmege qarar aldı», – dep aytıla haberde.

Разбой в отделении микрозаймов: симферопольцу грозит 8 лет тюрьмы (видео)
Bekleñiz, lütfen

No media source currently available

0:00 0:00:33 0:00

Rusiye kontrolindeki Aqmescit mahkemesi şübhelini apiske almağa qarar aldı.

Haber etilgenine köre, Rusiye Ceza kodeksiniñ 162-nci maddesiniñ 1-inci qısmına istinaden (aydutlıq) cinaiy iş açıldı. İşbu madde sekiz yılğa qadar apis cezasınıñ berilmesini belgilemekte.

Daa evel haber etilgenine köre, Qırımda Rusiye politsiya hadimleri 2018 senesi noyabr ayında Alupkada benzin stantsiyasına ücüm etken üç silâlı erkekni dört ay devamında qıdırdı.

XS
SM
MD
LG