Şimaliy Makedoniya prezidenti Stevo Pendarovskiy, martnıñ 20-nde Şimaliy Makedoniyanıñ Şimaliy atlantik ittifaqına qoşuluvına dair soñki vesiqanı imzaladı, dep bildire Azatlıq Radiosı.
Böylece, eki millionlıq ealisi ile küçük bir balkan devleti eñ yaqın vaqıtta NATO arbiy-siyasiy ittifaqınıñ 30-ıncı azası olacaq. NATO azalarına qabul etüv merasiminiñ tam künü şimdilik haber etilmey.
Pendarovskiy vesiqanı imzalamazdan evel 29 ittifaqdaşınıñ yañı azanı qabul etmege razı olğanını tasdıqlağan NATOnıñ soñki devleti olğan İspaniya parlamentiniñ deputatları añlaşmanı tasdıqladı.
İspaniya parlament azaları koronavirus qırğınlığı vaziyetinde «uzaqtan» rey bermege mecbur edi.
İspaniya parlamentiniñ qararından soñ NATO baş kâtibi Jens Stoltenberg Twitterde şöyle yazdı: «Böylece, bütün ittifaqdaşlar 30-ıncı iştirakçiniñ qoşuluvına qoltuta. Tebrikleymiz, Şimaliy Makedoniya!».
