Avgustnıñ 24-ünde saba Aqmescit ava limanına yol alğan A320 uçağı, tehnikiy bozuqlıqlar sebebinden Şeremetyevoğa qayttı. Bunı TASS haber agentligi bildire.
"Moskova – Aqmescit marşrutınen ketken A320 uçağı, köterilüvdan soñ Şeremetyevo ava limanına qayttı. Qonuv yahşı keçti, zarar körgenler yoq", - denile beyanatta.
Uçaqlarnıñ uçqanını közetken FlightRadar24 hızmeti, A-320 uçağı, uçuv ava limanına qaytqanını tasdıqlay. Uçaq saat 05:10 köterildi, bir qaç vaqıt avada olğan soñ, Şeremetyevoğa qaytmağa qarar aldı.
Şeremetyevo ava limanınıñ online tablosına köre, uçuşnı "Aeroflot" şirketi becere edi.
Daa evel avgustta Moskovadan Aqmescitke uçqan "Ural ava yolları"nıñ Airbus A321 uçağı, Moskova yanında mecburiy qondı. Qaza sebebini köçüricige oğrağan quş sürüsinden köreler, dep bildireler avia şirketinde. Bundan sebep köçürici yanıp başladı. Yolcularnı şişirme merdivenden tahliye ettiler.
Tahqiqiy komitet cinaiy dava açacağını bildirdi. Sverdlovskaya vilâyetiniñ gubernatorı, fevqulâde vaziyette işleri ve acayip sabır ve ustalıq içün uçaq taqımına ve komandiri Damir Yusupovğa öz minnetdarlığını bildirdi.
