Link açıqlığı

İşğal etilgen Qırımdan Ukrainanıñ qıtasına tahminen 18 biñ insan ketmege mecbur oldı, dep bildire «Ukrainskiy dom» cemaat teşkiyaltınıñ reisi Andriy Şçekun, haber ete Tsentr jurnalistskih rassledovaniy.

Şçekunnıñ aytqanı kibi, Ukrainanıñ içtimaiy siyaset nazirliginiñ bergen malümatına köre, Qırımdan tahminen 13 biñ insan köçip keldi: tahminen 8 biñ qırımlı ve daa 5 biñ yarımadadan avuştırılğan arbiy hızmetçileriniñ qorantaları.

«Malümatlarımız daa deñişe, çünki Qırımdan kelgenleriniñ çoqusı daa qayd olunmadı, sayımız – tahminen 18 biñ insan», – dedi Şçekun.

O şunı da qayd etti ki, о, Kiyevde bulunıp, diger aktivistler yardımı ile qıtaiy Ukrainağa köçip kelmege mecbur olğan qırımlılarnıñ malümat bazasınıñ peyda oluvı boyunca işlerni alıp bara.

«Şimdi Ukrainanıñ çeşit regionlarına barğan qırımlılar aqqında malümatnı cıyamız. Qırım qaçaqları temsilcileriniñ şurasını teşkil etmek içün ve mayıs 23 künü Kiyevde qırımlılarnıñ ilk bütünukrain toplaşuvını keçirmek içün toplaymız. Qırımdan qırımlılarnıñ kelmesini de bekleymiz», – dep haber ete aktivist.

Onnı aytqanına köre, iş tek köçip kelgenlerge qol tutmaq içün degil de, yarımadada qalğan Ukraina tarafdarlarına destek köstermek içün de alıp barıla.

«Biz mında bir beş iş gruppanı, bir qaç leyhanı azırlamağa planlaştıramız. Ukraina akimiyet organlarına taqdim etilecek toplaşuv rezolütsiyanı da azırlaymız. Şu cümleden Yuqarı Şurasınıñ deputatlarına da taqdim etilecektir. Em de tek sözlerde olmasın, mütenasip maliye yardımnıñ olması da zarurdır», – dedi Şçekun.

O şunı da aytıp keçti, ki «Ukrainskiy dom» teşkilâtı işğal etilgen Qırımda insan aqlarınıñ teminni de nezaret ete eken.

Andrey Şçekun Qırım «referendumınıñ» arfesinde 9 kün devamında esirde bulunğanlarındandır. Bütün vaqıt devamında onı ve diger esirlerni zorlay ediler.
XS
SM
MD
LG