Ğrıvnâ, 2017 senesi avgust 31-inden berli, eñ yüksek seviyesine yetti, dep bildire Ukraina Milliy Bankınıñ saytındaki malümat.
İyülniñ 9-ında dollar fiyatı 25 ğrıvnâ 60 kapiktir, dep bildire Azatlıq Radiosı.
Yevronıñ fiyatı 28 ğrıvnâ 71 kapiktir - bu 2017 senesi mayıs 12-sinden berli eñ alçaq fiyat.
2018 senesi dekabr 18-inde Halqara Valüta Fondunıñ Müdirler Şurası, Ukraina ile 3,9 milliard dollarlıq işbirlik programmasını qabul etkeninden soñ, ğrıvnâ küçleşip başladı. Bundan ğayrı, o künü Dünya banknıñ müdirler Şurası, Ukrainağa 750 million dollarlıq maliyeviy kefalet bermege qarar aldı.
Ukrainanıñ baş naziri Volodımır Ğroysman 2018 senesi dekabr 19-ında HVF-niñ ve Dünya bankınıñ qararını selâmladı.
