Nikolayevka plâjında boynunda girâ ile tapılğan ölü adamnıñ adı belli oldı. Bu qırımtatarı Raşid Yağyayev ola. Bu aqta qardaşı Yaqub Yağyayev Qırım.Aqiqatqa bildirdi.
«E, o. Özüm baqtım. Doğmuş qardaşı ola. Bugün onı defin ettik. Tahqiqat aqcigerde suv yoq, dep ayta, ğaliba. Amma qolumda kâğıt yoq. Demek, atmaları mümkün. Bütün ekspertizalar bir aydan soñ olacaq, degenler. Ne tüşünecegimni bilmeyim. İşnen bağlı. Oña borclu olğanlar bar edi, onıñ borcları bar edi…», – dep tarif etti Yaqub Yağyayev.
Soy-sopları aprel ayında Raşid Yağyayevniñ ğayıp oluvı aqqında bildirgen ediler.
Daa evel haber etilgeni kibi, ğarbiy Qırımdaki Nikolayevka plâjında turistler boynuna girâ baylanğan er adamnıñ cesedini taptı. Şaatlar cesedi pek saqatlanğan edi, dep tarif etti.
