Özbekistan tarihında ilk sefer parlamentniñ üst palatası – Senat – yolbaşçısı qadın oldı, dep haber ete Azatlıq Radiosı.
İyünniñ 21-nde Senat azaları Tanzila Norboyevanı lider olaraq sayladı.
Daa evel iyünniñ 20-nde Özbekistan prezidenti Şavkat Mirziyoyev Norboyevanıñ namzetini kösterdi. O, baş nazir muavini ve ükümetniñ qadın meseleleri komitetiniñ yolbaşçısı edi.
Senatnıñ sabıq reisi Nigmatulla Yuldoşev iyünniñ 20-nde baş prokuror vazifesine tayin etildi.
O, bu vazifege para talap etkeninde qabaatlanıp işten boşatılğan Otabek Murodovdan soñ tayinlendi.
