Özbekistan musulmanları idaresi, müminler koronavirus qırğınlığı vaqtında Ramazannı nasıl keçireceklerini añlattı: camide namaz qılınmaycaq, Qurannı online oqup diñlemege tevsiye etile, dep haber ete «Nastoyaşçeye Vremâ».
Özbekistan, Qazahistan ve Qırğızistan musulmanları diniy idaresi muqaddes aynıñ diger memleketlerde nasıl keçecegini ögrendi.
Karantinni bozmamaq içün musulmanlarğa aşağıdaki qaidelerge riayet etmesi aytıldı:
- Namazlar evde qılınacaq ve Quran evde oqulacaq (Quran oquması online kösterilecek);
- Cemaat iftarları yapılmaycaq, olarnıñ yapılmasına ayırılğan para «Sponsor faaliyetiniñ koordinatsiya merkezi» vastasınen hayriye olaraq bermek.
Televideniyede ve içtimaiy ağlarda Ramazanğa bağışlanğan programmalar yayınlanacaq.
Saudiy Arabistan akimiyeti, «Allahnıñ yardımınen qırğınlıq yeñilgenine qadar» müminlerden Mekke ve Medinege acılıqqa barmamalarını rica etti.
