Bağçasaray rayonında Çufut Qale tarihiy ve medeniy müzey qozuğında kezingende qadın abınıp, ayağını yaraladı, dep bildire Rusiye FVN-niñ Qırım idaresi.
Beyanatqa köre, müessise hadimleri qadınğa ilk tibbiy yardımnı yaptı.
Bundan soñ qurtarıcılar, Sankt-Peterburg sakini olğan apaynı maşnağa tahliye etti. Bundan soñ onı Bağçasaray şeer hastahanesine alıp kettiler", - denile beyanatta.
Bundan evel Melas qasabasında (büyük Yalta) tünevin bir aqay qızınen beraber qayağa köterildi, amma andan özleri tüşip olamadı, FVN hadimleri olarnı qurtardı.
FVN, dağ-ormanlıqqa ketecek turistlerge telükesizlik qaidelerini hatırlata: birinciden, urba ve ayaqqap qolay olmalı, havfsız marşrutlarnı saylamalı, tuman ve qaranlıq vaqtında kezinmemeli, cap ve ayrı turğan taşlardan yürmemeli.
