Rusiye nezaretinde olğan Qırımnıñ Yuqarı mahkemesinde Qırımtatar Milily Meclis reisi Refat Çubarovnıñ davası boyunca nevbetteki mahkeme otırışı olıp keçti. Advokat Aleksandr Osokinniñ sözlerine köre, mahkemede zarar körgen dört kişi sorğuğa çekilgen ve iç birisiniñ Çubarovğa iddiaları yoq eken, dep yaza «Qırım esnası».
Advokatnıñ malümatına köre, zarar körgenlerden biri, Meclis reisiniñ 2014 senesi fevralnıñ 26-nda Qıırm parlamentiniñ binası yanındaki kütleviy tertipsizliklerge alıqası yoq edi, dep bildirgen.
Bundan ğayr Osokin, mahkeme otırışında bulunğan yeri belli olmağa şaatnıñ şaatlığı da bildirilgen, dep ayttı. Amma mudafaa tarafı buña qarşı çıqqan.
«Bu şaat konkret iç bir şey aytmadı, tetipsizliklerni Çubarov teşkil etkenini de aytmadı. Amma baza sezlerde qabaatlav bar, sanki bütün bula cinayetçiler taarfında yapılğan, evelden azırlanğan. Şunıñ içün böyle şaatlıqnı mudafaa tarafı temyiz etecek», – dedi Osokin.
Nevbetteki mahkeme oturışı martnıñ 12-nde oladajq.
2020 senesi martnıñ soñunda Qırımdaki Rusiye Tahqiqat komitetiniñ idaresi Çubarovnı ğıyabiy şekilde qabaatladı.
Cinaiy davalar Rusiye Ceza kodeksiniñ 212-nci maddesiniñ 1-inci maddesine (qalabalıqlarnı teşkil etüv), 280.1-inci maddesiniñ 2-nci qısmı, 280.1 maddesiniñ 1-inci qısmına istinaden (Rusiye topraq bütünligini bozacaq areketlerge çağıruv) açıldı.
Aqmescitte iyülniñ 23-nde mahkemede Qırımtatar Milliy Meclisiniñ reisi Refat Çubarovğa qarşı cinaiy dava temelden baqılıp başlandı. Mahkeme vekilleri diñleyicilerni oturışuvğa ve mahkeme binasına kirsetmedi, dep bildirdi «Qırım esnası» teşebbüsiniñ faalleri.
Advokat Nikolay Polozovnıñ Qırım.Aqiqatqa bildirgenine köre, oña bu davada Çubarovnı qorçalamağa izin bermediler, çünki «menfaat zıddiyeti bar». O, bu qararnı şikâyet etmege niyetlene. Aqmescitte mahkeme advokat Polozovnıñ şikâyetini endi red etken edi.
Çubarovnıñ qayd etkenine köre, Rusiye akimiyeti «qırımtatar halqına qarşı daa bir repressiya dalğasını başlattı».
Advokat Nikolay Polozov Rusiye tahqiqatçısınıñ onı işğal altındaki Qırımda Çubarovğa qarşı kene açılğan davada imayeden çetleştirmek niyeti aqqında bildirdi.
Qırım Muhtar Cumhuriyetiniñ prokuraturası, Rusiye tahqiqatçılarınıñ Çubarovğa qarşı açılğan davanen bağlı tahqiqat başlattı.
