Qırımtatar Milliy Meclisiniñ reisi Refat Çubarov mayısnıñ 16-nda Dünya vışıvanka kününe qoşulıp, Ukraina Yuqarı Radasınıñ toplaşuvına milliy qıyafette keldi.
Çubarov fotoresimini Facebook saifesinde derc etti.
Yuqarı Rada deputatları vışıvankada umumiy fotoresimler yaptı.
Vışıvanka künü – soñki on yıl içinde şekillengen resmiy olmağan bayram, mayısnıñ üçünci çarşenbe künü qayd etile, onı mahsus iş kününe belgilegenler ve devlet ya da din bayramına bağlamağanlar, bunıñ maqsadı vışıvanka tek bayram atributı degil, ukrainalılarnıñ er künlik yaşayış parçası olğanını köstermektir.
Çoqusı allarda raatlıq künleri vışivankağa kiyingen insanlarnıñ büyük yürüşleri keçirile.
