Milliy Meclis reisi Refat Çubarov, iyül 11-inde Rusiye Yuqarı Mahkemesine barıp, uzun apis cezasına makemelengen Zevri Abseitov, Remzi Memetov, Rustem Abiltarov ve Enver Mamutovğa destek köstermek muracaatınen rusiye uquq qoruyıcıları, faaller ve diplomatlarğa hitap etti.
İyülniñ 11-inde Rusiye Yuqarı Mahkemesinde, Şimaliy Kavkaz bölgesiniñ arbiy mahkemesiniñ qararına berilgen apellatsiya şikâyetini baqacaq.
2016 senesi mayıs 12-de Bağçasarayda Rusiye telükesizlik hadimleri musulmanlar, qırımtatarlarnıñ evleri ve yerli qavehanede bir sıra tintüvler keçirdi. Neticede dört Bağçasaray sakini: Zevri Abseitov, Remzi Memetov, Rustem Abiltarov ve Enver Mamutov yaqalanıp, terrorizmde qabaatlandı. Olarnı, Rusiyede terroristik tanılğan «Hizb ut-Tahrir» teşkilâtında iştirak etkenlerinden şübheli sayalar.
2018 senesi dekabr ayında Şimaliy-Kavkaz okrugınıñ arbiy mahkemesi Enver Mamutovnı 17 yıl sert rejimli koloniyada qalmasına üküm etti, Ruslan Abiltarov, Remzi Memetov ve Zevri Abseitov 9 yıl sert rejimli koloniyada qalmasına üküm etildi.
Mabüslerden iç birisi qabaatını tanımadı. Olar cinaiy işniñ «siyasiy sebepleri bar», dep qayd etti.
