Link açıqlığı

Qırımtatarlar Rusiye Devlet Dumasındaki öz temsilcillik imkâniyetini tüşünmeyler.

Bunı kütleviy haber vastalarında peyda olğan mütenasip malümatnı izaatlap, dey qırımtatar milliy Meclisniñ reisi Refat Çubarov, dep haber ete «Krımskotatarske pitannâ.onlіne».

O, qırımtatarlarınıñ ilerideki taqdiri daa belgilenmegenini qayd etti.

Bunıñnen beraber, Çubarovnıñ fikrince, qırımtatarlar öz taqdiriniñ muzakerelerinde iştirak etken taraflardan birisi olmalıdır.

«Qırımtatarlar 4-nci taraf olmalı: halqara cemaat, Ukraina, Rusiye ve qırımtatarlar», – dedi o.

Öz nevbetinde, Meclisniñ tış alâqaları boyunca idaresiniñ reberi Ali Hamzin Devlet dumasında qırımtatarlarınıñ ola bilecek temsilcillikni böyle izaatladı: «Ya ola bilmezmi?»

Onıñ fikrince, böyle qarar qırımtatarlarnıñ bayağı meselelerni çezmege yardım eter edi.

«Bugün çeşit türlü bildirüvler ilân etile… Amma Qırımnı teslim ettiler… Em Ukrainadaki, em Rusiyedeki bazı quvetleriniñ vazifesi – qırımtatarlarnıñ köçip ketmesidir. Bizim vazifemiz – buña yol bermemek», – dep cevap berdi Hamzin.

Azerbaycan neşirleriniñ birisinde peyda olğan malümatqa köre, Çubarov RF Devlet Dumasında qırımtatar halqınıñ temsilcillik imkâniyetini inkâr etmey.

Evelden Meclisniñ musaadesi ile öz başına tayinlengen Qırım qanunsız akimiyetine qırımtatarlardan eki vekil kirgen edi.
XS
SM
MD
LG