Qırımtatar Meclisiniñ reisi Refat Çubarov Ukraina Cinaiy Kodeksine, "ilhaq etilgen Qırımğa qanunsız köçkenler"ni cezalaycaq deñişmelerni kirsetmege teklif ete. O adamlar yarımadanıñ tamır sakinleriniñ - qırımtatarlar ve ukrainlerniñ - yerini ala.
Bunı fevralniñ 12-sinde "Çonğar" kiriş-çıqış noqtasında Vaqtınca ilhaq etilgen topraqlarında insan aqları, işğalden qurtaruv ve ğayrıda integratsiya etüvi boyunca Yuqarı Radanıñ komitetiniñ köçme oturışında ayttı.
"Biz qanun leyhaları üzerinde çalışmalımız. Men tek bir saanı alacağım - bu sadece repressiyalar degil. Bu qırımtatarlarnıñ ve ukrainlerniñ sıqıştırıp çıqarmasıdır. Onıñnen beraber anda Rusiye vatandaşlarını köçtireler. Böyleliknen, Ukraina qanunlarına baqmadan, Qırımğa köçken adamlarnı mesüliyetke çekken deñişmelerni kirsetmege bizge ne keder ete? Keliñiz Cinaiy Kodekske olarnı kirseteyik. Bu sadece Ukraina sıñırlarınıñ bozulması degil, bu topraqlarımıznıñ kolonizatsiyasıdır", - saya Çubarov.
Ukraina akimiyeti bu teklifke daa cevaplanmadı.
Ukraina ombudsmeni Lüdmila Denisovanıñ malümatına köre, Qırım ilhaqından soñ yarımadağa 140 biñge yaqın rusiyeli köçti.
