Link açıqlığı

Saatnıñ esas haberi

«Çezilmegen işlerniñ yumağı». Ğayıp olğan qırımlılarğa qoltutuv aktsiyası (fotogalereya)

Kyivdeki Rusiye elçihanesi ögünde «Çezilmegen işlerniñ yumağı» aktsiyası olıp keçti. Onıñ çerçivesinde faaller Rusiyeden işğal etilgen Qırımda insan qaçıruvlarını taqiq etmesini talap etti. Aktsiya 27-nci kere ötkerile.
Faaller «Ervin qayda?» bannerini asıp qoydı. Böylece, Bağçasaray regional Meclisiniñ azası Ervin İbragimovnıñ qaçırılmasını taqiq etmege talap ettiler.
2016 senesi mayısta Bağçasarayda kimligi belli olmağan insanlar Dünya qırımtatar kongressi icra komitetiniñ azası Ervin İbragimovnı qaçırğan edi. Video nezareti kamerası Rusiye yol hızmeti urbasında eki insan İbragimovnıñ maşinasını toqtatıp, onı öz mikroavtobuslarına mindirgenlerini çıqardı.
Qırım aq qorçalayıcı gruppası, Ervin İbragimovnı Rusiye akimiyeti ya da olarnıñ kontrolinde olğan taqımlar qaçırdı, dep tahmin ete.
Rusiye Taqiqat komitetiniñ Qırım idaresi qaçıruv aqqında cinaiy iş açqan edi. Faqat bugünge qadar Ervinniñ bulunğan yeri aqqında bir malümat yoq.

Facebook Forum

XS
SM
MD
LG