Bazar künü, aprelniñ 18-nde, «Şamatalı qoranta» qırımtatar komediya serialınıñ ekinci mevsimi başlana.
Bu aqta qırımlı jurnalist, QaraDeniz production baş müdiriniñ muavini Lilâ Bucurova Facebookta bildirdi.
«Şamatalı qoranta» qırımtatar komediya serialınıñ ekinci mevsim çekimleri başlağanı aqqında 2020 senesi sentâbr ayında haber etilgen edi.
Serial 2020 senesi fevral ayında kösterilip başladı.
Your browser doesn’t support HTML5
"Şamatalı qoranta": backstage. Birinci qırımtatar sitkomını nasıl çekeler (video)
«Şamatalı qoranta» adını alğan serial adiy qırımtatar qorantası aqqında ikâye ete, onıñ azaları çeşit meraqlı vaziyetlerge oğray. Serialnı çıqarğan Qaradeniz production studiyası onı er bir qırımtatar ailesi baqar, dep ümüt ete.