"Zla Mavka" qadınlar qarşılıq areketiniñ faalleri Rusiye bayrağınıñ yaqılmasınen video yayınladılar. Video ile paylaşılğan haberde bayraq Aqyar plâjında yaqılğanı iddia etile.
"Mavkalar Aqyar plâjında işğalcilerniñ üç renkli bayrağını yaqtılar. Qırım üzerinde ZSU-nıñ feterverkleri Mavklarımız içün daa bir motivatsiya oldı. Çünki işğalcilerniñ timsallerine deñizde ve Ukrayinanıñ diger şeerlerinde yer yoq", — dep yazıp qoydılar faalleri videonıñ tübünde
Soñki vaqıtları Rusiye tarafından işğal etilgen Qırım ve Ukrayinanıñ cenübinde işğal etilgen topraqlardaki qarşılıq areketleri arasında "Zla Mavka" qadınlar areketiniñ iştirakçileri pek faal. Qızlar ukrayin timsalleri ile beyannamelerni tarqata ve diger çoq sayılı qarşılıq aktsiyalarını keçire. Olarnıñ esas maqsadı işğal altında yaşağan semetdeşlerine qol tutmaq.