Ukrayina silâlı quvetleriniñ işğal etilgen Qırımğa ücüm etmek imkânları sıñırlana, dep bildirdi Ukrayina prezidenti Volodımır Zelenskıy Vaşingtonda Reagan adına institutta çıqışta bulunğanda.
"Açıq aytayım... biz Qırımğa qarşı er şeyni ve er yerde qullanıp olamaymız", — dedi ukrayin lideri.
Zelenskıy, cenkni toqtatmaq kerek olsa, Moskva ile Qırım boyunca muzakerelerni keçirmege azır olğanı aqqında sualge cevap berip, bu Putinni toqtatmaycağını qayd etti.
"O, iç bir vaqıt toqtamaz... Onıñ Qırımı bar edi. O, 2014 senesi Qırımnı işğal etti. O bitirdimi? - Yoq... Epsi bu. O, yalancı", — dep bildirdi Ukrayina prezidenti.
Aynı zamanda Ukrayina prezidenti, Putinniñ cenkte teneffüske muhtac olğanını tüşüne ve, belki de, ABD siyaseti deñişir, dep ümüt etip, noyabr ayında ABD prezident saylavlarını bekley.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.