Ukraina prezidenti Volodımır Zelenskıy koronavirus tarqalmasınıñ yayılmasını toqtatmaq içün 2020 yılda Pasha künü kilsege barmamağa çağırdı, haber etti Azatlıq Radiosı.
"Vaziyetimiz ağır: hastalar 2%-dan 10%-ğace olsa, ekimler kim sağ qalacağını saylamağa mecbur olur. Epidemiya vaqtında 2% hastalar olsa, buña dayanmaq mümkün. 10% - bu endi ağır vaziyet. Şimdi bu vaziyetni nezaret etemiz, raqamlar yaramay degil. Onıñ içün adamlar bilmeli: bayram - bu müim, ebet. Amma kilselerge kelecek yılda beraber bararmız. Bugün ise - sabır, ve iç olmadım bir kere yürekni degil, aqılnı diñlemek kerek, bu emiyetli", - dedi Zelenskıy "Ukraina" telekanalınıñ Savik Şusterniñ programmasında.
Your browser doesn’t support HTML5
Украинский медик рассказал о работе в итальянской больнице (видео)
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.