Rusiye Federatsiyasınıñ Kursk vilâyetinde Ukrayina mudafaa quvetleriniñ ameliyatı Ukrayinanıñ daa büyük planınıñ bir qısmıdır, dep bildirdi Ukrayina prezidenti Volodımır Zelenskıy avgustnıñ 27-nde matbuat konferentsiyasında.
"Kursk Ukrayinanıñ ğalebe planımıznıñ bir qısmıdır... Bir qısmı endi yapılğan — Kursk. Ekinci yöneliş — Ukrainanıñ dünya telükesizligi infrastrukturasında strategik yeri. Üçünci yöneliş — mecbur etüv paketi, Rusiyeni cenkni diplomatik yolnen bitirmege mecbur etüvniñ küçlü paketi", — dep ayttı Ukraina prezidenti.
Ukrayina prezidenti Rusiye Federatsiyasınıñ Kursk vilâyetinde keçirilgen ameliyatnıñ maqsatları arasında Harkiv vilâyetiniñ işğalini ve Sumı ve Çerniğov vilâyetleriniñ zapt etilmesini toqtatmaq olğanını ayttı.
Onıñ aytqanına köre, Kıyiv bu plannı sentâbr ayında Amerika Birleşken Devletlerine taqdim etmekni planlaştıra.
Avgustnıñ 6-nda Ukrayina Rusiyeniñ Kursk vilâyetinde apansızdan ücüm başladı. Ukrayina Silâlı quvetleri onlarnen meskün yerni, şu cümleden Suci rayon merkeziniñ nezareti altında olğanını bildire. Rusiye akimiyeti bu malümatnı red ete ya da izaatlamay. Lâkin Kursk vilâyetinde federal miqyaslı fevqulâde vaziyet rejimi ilân etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.