Ukrayina prezidenti Volodımır Zelenskıy ABD prezidentinen körüşüv aqqında añlaştı – bu aqta o, dekabrniñ 26-nda bildirdi.
Zelenskıynıñ aytqanına köre, Milliy telükesizlik ve mudafaa şurasınıñ kâtibi Rustem Umerov oña Amerika tarafınen bağları aqqında esabat berdi.
"Bir kün bile coymayıq. Eñ yüksek seviyede körüşüv aqqında añlaştıq – eñ yaqın vaqıtta prezident Trumpnen", – dep bildirdi devlet yolbaşçısı Telegram kanalında.
O, "çoq şey yañı yıldan evel çezile bile", dep tahmin etti.
Trump körüşüvnen bağlı planlarını şimdilik açıq bildirmedi.
Ukrayina prezidenti Volodımır Zelenskıy dekabrniñ 23-nde jurnalistlernen laf etip, soñki aftaları ABD, Ukrayina ve Avropa vekilleri çalışqan barışıq añlaşmasınıñ leyhasını taqdim etti.
Soñki aftaları ABD Moskva ve Kyiv arasında barışıq añlaşmasınıñ tizilmesini istey. Miami muzakerelerinden soñ Zelenskıy bir qaç vesiqanıñ draftı azır, dep bildirdi – hususan Ukrayina içün telükesizlik kefaletleri, bu cenkni bitirmek içün ğayrıdan tiklev ve esas çerçivenen bağlı.
Miamide Amerika taqımınen Rusiye vekilleri de körüşti. Kreml bu muzakerelerni ilerilev olaraq qabul etmege kerekmey, dep bildirdi.