Ukrayina prezidenti Volodımır Zelenskıy Frenkistan prezidenti Emmanüel Makronnen subeti aqqında bildirdi.
Onıñ aytqanına köre, o, Makronğa Beyaz Saray ve ABD Senatındaki körüşüv tafsilâtları ve al-azırda diplomatiyada olğan perspektivalar aqqında haber etti.
"Bizni barışıqqa yaqınlaştıra bilgen er fırsattan faydalanmaq kerek ve biz atacaq adımlarımıznı belgiledik. Yardım etmege azır olğanları ve kerekli ğayret köstergenleri içün minnetdarmız", – dep yardı o, Telegramda.
İyülniñ 28-nde Volodımır Zelenskıy ABDni ziyaret etip, Donald Trumpnen körüşti. Körüşüv tahminen bir saat devam etti ve kütleviy haber vastaları iştirak etmedi.
Zelenskıy Trumpnen "yahşı bir körüşüv" aqqında bildirdi. Onıñ aytqanına köre, ABD prezidentinen Patriot sistemaları içün tutucılarnı yapma litsenziyası ve "yardım ete bilecek diger ğayelerni", diplomatik esnasnı faalleştirmek müim olğanını muzakere ettiler.
Trump Zelenskıynen körüşüvi "pek yahşı keçti", dep bildirdi.