Rusiye ordusı Zaporijjâğa qarşı raketa endirdi, eki insan yaralandı. Bu aqta Zaporijjâ vilâyetiniñ arbiy memuriyet yolbaşçısı Yuriy Malaşko bildirdi.
Malaşko aytqanına köre, raketa vatandaş infrastruktura obyektine tüşip, onı yoq etti. Bu binada olğan müessise hadimleri yaralandı.
Zaporijjâ şeer şurasınıñ kâtibi Anatoliy Kürtev bildirgenine köre, patlav dalğası çoq qatlı evlerde ve oquv yurtlarında camlarnı qırdı. Acele hızmetler çalışa.
Sentâbrniñ 6-na keçer gecesi Rusiye Ukrayınağa qarşı raketa ve dronlarnı qullandı. Ukrayına arbiyleri duşmannıñ 23 ve 33 ava nişanını yoq etti. Kyiv ve Kyiv vilâyetinde ava mudafaası çalıştı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.