Rospotrebnadzor yılnıñ başından Qırımda qızamıq çıqarğanı isbatlanğan 87 insannı qayd etti. Bu aqta matbuat hızmeti bildire.
«2019 senesiniñ keçken müddeti devamında Qırım Cumhuriyeti ve Aqyarda 87 qızamıq hastası, şu cümleden dört kişi Aqyarda qayd etildi. Regiondaki qızamıq tarqatılmasınıñ qırğınlıq emiyeti Ukrainadan ketirilgen edi, infektsiyanıñ ocaqlarında qızamıq aşısı olmağanlar da bar edi», – dep aytıla haberde.
Bundan evel qızamıq çıqarğan 69 insan aqqında haber etilgen edi.
Rospotrebnadzornıñ qayd etkenine köre, qızamıq profilaktikasınıñ eñ qolay ve semereli usulı aşı ola. Birinci aşı 1 yaşında, ekincisi 6 yaşında yapıla. Büyüklerge 18 yaştan 35 yaşqa qadar aşı yapıla.