2024 senesiniñ 9 ayı içinde Rusiye quvetçileri eñ azından 16 kere qırımlı mabüslerni ceza izolâtorlarına, mahsus bloklarğa ve bir kişilik kameralarğa yerleştirdi, dep haber ete Qırımtatar Resurs Merkezi.
İddia etilgenine köre, Server Zekiryayev (3), Server Mustafayev (2), Teymur Abdullayev, Eskender Abdulganiyev (2), Ali Mamutov, Oleğ Prıhodko, Seyran Saliyev, Serğiy Tsiğipa, Edem Smailov, Marlen Asanov, Remzi Bekirov bu kibi uquq bozuvlarını yaşadılar.
"Aqiqatta, qırımlı siyasiy mabüslerni ŞİZO-ğa yerleştirüv tarqalğan bir şey, ve bu şaşılacaq bir şey degil. 2020 senesinde bu tendentsiya pek faal oldı. İşğalciler semetdeşlerimizge basqı yapmağa devam ete, olarnı "bozmaq" ve boysundırmaq maqsadınen. Bu vaqialar aqqında susmaq degil de, qayd etmek ve olar aqqında aytmaq müimdir", — dep qayd ettiler QRM-nde.
Bundan evel QRM, onıñ malümatına köre, sentâbr ayında Rusiye quvetçileri eki tintüv, altı yaqalav ya da tutuv ve altı sorğu, sorav ya da "subet" keçirdi. Apiske alınğanlarnıñ umumiy sayısı 11 oldı, olardan ekisi qırımtatarlarğa nisbeten.
Bundan ğayrı, insan aqlarınıñ yüksek seviyesinde fizikiy ve ruhiy sağlıq aqqınıñ bozuluvı ile bağlı 3 adise qayd etildi, bu ise Rusiye akimiyeti tarafından insan aqlarınıñ sistematik şekilde bozuluvını köstere.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.