Rusiye "Yunarmiya" areketine Qırım ve Aqyardan tahminen 36 biñ balanı celp etti, umumen işğal etilgen Ukrayina topraqlarında ise – tahminen 49 biñ balanı. Bu aqta "Almenda" Vatandaş maarifi merkeziniñ yolbaşçısı Mariya Sulânina Çeh parlamentinde keçirilgen "Fokusta Qırım: insan aqları, halqara uquq ve Avropa telükesizligi" konferentsiyasında bildirdi.
Bundan ğayrı, Sulânina "Dvijeniye pervıh" Rusiye teşkilâtınıñ iştirakçi sayısı yarımadada 2023 senesi olğan 12 biñden 185 biñge qadar arttı, dep qayd etti.
"Almenda" bildirgenine köre, Qırımda balalarnıñ askeriyleştirilüvi mektepten evel başlana. Balalarnı arbiy-vatanpeyerver teyedbirlerine celp eteler, arbiy urba kiymege mecbur eteler ve olar içün Ukrayinağa qarşı cenkte iştirak etken Rusiye arbiylerinen körüştireler.
Vatandaş maarif merkezi qayd etkenine köre, Rusiye böyle usullarnı balalarğa işğalci devletni sevdirmek, Ukrayina kimligine tesir etmek ve cenkni normalleştirmek içün qullana.
Bundan evel işğal etilgen Qırımda rusiyeliler "Artek" halqara bala merkezinde "tasil kurslarını" başlatıp, uçucısızlarnı idare etmege ögretecekler, dep haber etilgen edi.
Bundan evel Qırım ekspertleri adları gizli qalacaq şartınen Qırım.Aqiqatqa işğal etilgen Qırımnıñ Rusiye akimiyeti regionda uçucısız sistemalarnıñ ordusı içün askerlerni azırlamaq içün infrastruktura qurıp, region Rusiye ordusı içün askerlerni azırlaycaq, dep belgiledi, dep tarif etti.