Qırımda sinoptikler ava birden bozulacaq, dep tenbiyeley. Bu aqta Qırımdaki Rusiye Fevqulâde vaziyetler nazirliginiñ idaresi bildire.
«Aprelniñ 11-nde ve 12-nde kündüz Qırımda küçlü yağmurlar yağacaq, furtuna, burçaq olacaq, yel süratı saniyede 15-20 metrge qadar artacaq», – dep aytıla haberde.
Qırım gidromettsentri Qırımda cumaaqşamı künü, aprelniñ 11-nde, boranlı yağmur olacaq, dep bildirgen edi. Kündüz ava arareti 14-18 derece olacaq.
Sinoptiklerniñ tahmin etkenine köre, yağmurlı ava Qırımda aprelniñ 15-ne qadar olacaq.