Keçken yılnıñ soñunda tantanalı şekilde açılğan “Tavrida” trassası, Qırımnıñ rusiyeli akimiyeti içün baş ağırsı oldı. Yañı yolnıñ açılmasından soñ yarımadada yol qazalarnıñ sayısı arttı. Qırımlılar içtimaiy ağlarda, “Tavrida” trassasında yürüş telükeli ola bilgenini tasdıqlay.
«Таврида» – трасса с риском для жизни https://t.co/Bst0Lemsae pic.twitter.com/ikbVwMQQI3
— Крым.Реалии (@krymrealii) 30 января 2019 г.
Büyük yol qazası sebebinden, Qırımnıñ rusiyeli akimiyeti, “Tavrida” trassasınıñ açılğan yol qısmında avtobuslarnıñ areketini vaqtınca toqtatmağa tüşüne. “Yol hızmetinde biz yol qazaları aqqında çoq bildirüv alamız. Şeerara naqliyat areketini havfsız yapmaq içün, avtobuslarnı eski yolnen yürsetmege tüşünemiz. Birinciden, anda toqtanmaq içün çoq toqtav yeri bar, ekinciden, mında kibi küçlü yol areketi yoq ve bu, şübesiz, yolcularnı qorçalaycaq”, - dedi Qırım bas nazir muavini Mihail Seleznöv.
...Trassa qullanuvğa azır olmağanını qabul etmek kerek. Yaqında maña trassa aqqında öz fikrini Krasnodar ülkesiniñ sakini aytıp berdi. Qısqadan. Hucur, amma yañı yolda bayağı silkinesin.
Mesele şunda ki, yolnıñ kenarında toqtamaq yer yoq. Qoralar, yol çeti ise yoq… İşaret ve belgiler yoq.
Ebet, trassa abadanlaştırılmağan ve tar (yolnıñ tek bir yolağını açtılar da). Kenef yoq, çalı da yoq. Qışta yürgen edik. Yol temizlenmegen edi. Qısqası, eski yolnen yüremiz - em temizce, em baqılğanca. İşte, “yarımahsul”nı açmağa aşıqtılar. Ümüt etemiz ki, işniñ soñuna çıqarlar
Furalar ve arbiy naqliyat içün sürat 40-60 kilometr ola, kenef tapqance qıstalıp qalasın
Trassa pek müşkül, qaplamasınıñ keyfiyeti eskirgen. Yol kenarları telükeli. Yolnıñ yatıqlığı yerniñ coğrafik hususiyetlerini esapqa olmay. Çoq yol qazaları, matbuat olarnıñ sayısını gizley. Asfalt endi dalğalanıp başlağan… Bu Tavrida trassası aqqında qısqadan (er kün andan qatnayım). Qaranlıqta yañ aydap başlağanlar anda asıl barmasa yahşı)
(с) Таврида,сэр! pic.twitter.com/NseRZJcrT0
— RoksolanaToday&Крым (@KrimRt) 29 января 2019 г.
Amma trassanı şimdiki alında da begengenler bar. Munaqaşa başlandı.
Yuriy Noviçkov
Trassa daa azır degil de. Er keske bildirildi - saatta 60 kilometrni aşmañız… Yoq...uçalar((( Trassa ise, açılğan yerde - acayip, quvana-quvana ketesin
adamcasına yürüñiz, qasevet de olma
...Surat sıñırlavı bozulğanına ağlanıp turğan apayçıqlar, sizge añlatam. Ebet, oña baqmağanlar çoq. Çoqusı qaidelerni boza. Amma tek bozğanlar degil elâk ola. Trassadan ketesiñ ki, qarşıña muthiş tezlikte ketken bir deli çıqa, saña ise kenarğa çekilmek yer de yoq ve seniñ riayet etkeniñ 60 km de iç bir şeynen yardım etip olamaz… Mesele bunda. Cehennem yolu
Ayat yolu, ve ölüm yolu olıp çıqqan
* * *
Mında yazılğan bütün şey açıq menbalardan alındı