Yalta dağlarında sekiz künden berli Autka mikrorayonı yanında orman yanğını devam ete, dep bildire Rusiye kütleviy haber vastaları Qırım boyunca Rusiye Fevqulâde vaziyetler nazirliginiñ baş idaresine atıf eterek.
"Taktika ve al etici yönelişniñ saylavı cenk meydanlarında, landşaft hususiyetleri ve ava şaraitlerine köre deñişe", — dep bildire FVN.
Müessisede, yanğınnı söndürmege yel ve sıcaq ava keder ete, dep bildireler.
Keçende Rusiye kontrolindeki Qırım yolbaşçısı Sergey Aksönov Yaltadaki yanğınğa "regional hususiyetli tabiiy fevqulâde vaziyet" statusını berüv aqqında fermannı imzaladı
Yanğın haberi Armannıñ 19-na keçer gecesi keldi. Meydanı bir qaç gektar olaraq belgilendi, soñra 10 oldı, avgustnıñ 21-ne qadar ise 50 gektarğa qadar arttı. Yerli sakinler şeerde tumandan ve nefes zorluqlarından şikâyetçi.
Bazı menbalar yanğınnı Armannıñ 19-na keçer gecesi uçucısız ücüminen bağlay, amma Rusiye akimiyeti sebepni resmiy şekilde aytmay. Yaqınlarda suv çoqraqları, küçlü yel ve tik caplar yanğınnıñ söndürilüvini zorlaştıra.