Avgustnıñ 19-nda Yalta dağlarında çıqqan yanğın üç künden berli söndürile, alev meydanı 50 gektarğa qadar arttı. Bu aqta Rusiye kütleviy haber vastaları Qırımdaki Rusiye Federatsiyası Fevqulâde vaziyetler nazirliginiñ malümatına esaslanıp yaza.
"Bazı yerlerde yel saniyede 15 metr süratınen ese, alev daa büyük meydanlarğa tarqala", – dep bildire Fevqulâde vaziyetler nazirliginiñ habereini "RİA Novosti Krım" agentligi.
Fevqulâde vaziyetler nazirliginiñ hadimleri aytqanına köre, yanğınnı söndürmeyek içün 523 insan ve 108 dane tehnika celp etildi.
Yalta dağlarında yanğın avgustnıñ 19-nda çıqtı, dep bildire yerli Telegram kanalı, alev dron ücüminden soñ başladı.