Yaltada aman-aman eki aftadan berli dağlarda orman yanğını devam ete, dep yaza Rusiye kütleviy haber vastaları Qırımdaki Rusiye Federatsiyası Fevqulâde vaziyetler nazirligi idaresiniñ malümatına esaslanıp.
Müessise haberine köre, yanğıncılar "gece-kündüz ormannı qaravullay".
"Alev ateş keçken yerlerge tarqala bile", – dep bildire Fevqulâde vaziyetler nazirliginiñ haberini "RİA Novosti Krım".
Rusiye kontrolindeki Qırım yolbaşçısı Sergey Aksenov Yaltadaki yanğınğan "regional seviyede fevqulâde tabiat vaziyeti" statusını berüv buyruğını imzaladı.
Yanğın haberi avgustnıñ 19-na keçer gecesi keldi. Meydanı bir qaç gektar olaraq belgilendi, soñra 10 oldı, avgustnıñ 21-ne qadar ise 50 gektarğa qadar arttı. Yerli sakinler şeerde tumandan ve nefes zorluqlarından şikâyetçi.
Bazı menbalar yanğınnı avgustnıñ 19-na keçer gecesi uçucısız ücüminen bağlay, amma Rusiye akimiyeti sebepni resmiy şekilde aytmay. Yaqınlarda suv çoqraqları, küçlü yel ve tik caplar yanğınnıñ söndürilüvini zorlaştıra.