Yaltada Rusiye arbiyleri saat 11:00-den 14:00-ke qadar talimlerini keçire, dep haber ete Yalta Yekâne nevbetçi-dispetçer hızmeti.
"Yaltanıñ qıymetli sakinleri ve musafirleri! Belediye okrugınıñ ğarbiy rayonında saat 11:00-den 14:00-ke qadar sesli ola bilir. Talimler keçirilecek", – dep aytıla haberde.
Yekâne nevbetçi-dispetçer hızmetiniñ haberlerine köre, Yaltada oktâbr ayından dördünci talim ötkerile. Keçken ay Rusiye arbiyleri şeer ve civarlarında yedi talim keçirdi.
Qırımtatar resurs merkezi haber etkenine köre, Qırımda 2025 senesi Rusiye ordusı eñ az 70 arbiy talimni keçirdi. Qırımtatar resurs merkeziniñ evelki haberine köre, talimlerniñ büyük qısmı keçken yılnıñ ilk yarısında keçti – iyulniñ soñunda merkez 2025 senesiniñ başından 6 ay içinde Rusiye arbiyleri 45 talim keçirdi, dep bildirdi.
Qırımtatar resurs merkezi 2024 senesine baqqanda talimlerniñ sayısı eksilgenini qayd ete, bıltır 124 talim qayd etilgen edi. Aynı vaqıtta, 2025 senesi 2023 senesinden daa çoq talim oldı, o yıl 40 talim oldı, 2022 senesi ise – tek 20 talim.