Kreml nezaretindeki Yalta akimiyeti Köreiz civarında etnik köy qurmağa turistlerge söz berdi. Bu aqta şeer akimiyetiniñ matbuat hızmeti bildirmekte.
“Obyektni biz Köreiz civarında yerleştirmege niyetlenemiz, o 80 sotkağa qadar yerni alacaq. Biz “Şeer müiti” programmasınıñ qısmı olaraq onıñ leyhasını yapmağa azırmız”, - dep yaza Yalta şeer memuriyeti başı Aleksey Çelpanovnıñ sözlerinden matbuat hızmeti.
Onıñ aytqanına köre, etnik köy medeniy parkı kibi yapılacaq, anda Qırım halqları - ermeniler, yunanlar, qırımtatatlar, ukrainler ve ruslarnıñ - adetleri ve ünerleri kösterilecek.
Your browser doesn’t support HTML5
Новая точка притяжения туристов в Крым? (видео)
Çelpanovnıñ aytqanına köre, “etnik köyde yarımadada şimdi ve evelde yaşağan halqlarnıñ tarihi ve turmuşını kösterecek abideler olacaq”.
“Anda milliy aşlar, yemek noqtaları olacaq”, - dedi o.
Yaltada kurort mevsiminde turistik politsiya olacaq.
Yaltada yalı kenarında iyün 4-ünde “Kitap alleyaları” festivali açıla.