Ukrayina prezidenti Volodımır Zelenskıy Qırımtatar, Ukrayina mudafaa quvetleriniñ arbiy hızmetçisi Alim Abduralmanovğa Ukrayina Qaramanı unvanını berdi. Bu aqta Zelenskıynıñ mütenasip fermanına atıf eterek, Qırımtatar Milliy Meclisiniñ reisi Refat Çubarov içtimaiy ağlardaki saifelerinde bildirdi.
"2022 senesi Soş ayda Rusiye varbarları ile uruşta ağır yaralanğan soñ, üyken asker Alim Abduramanov tedaviylengen, protezlengen ve reabilitasiya etilgen soñ, arbiy bölükke qaytmaqta israr etti. "Altın Yıldız" ordeni ile Ukrayina Qaramanı unvanınıñ berilmesi aqqında haber, 31 yaşındaki kiçik serjant Alim Abduralmanovğa, istihbarat bölükniñ baş serjantı vazifesinde keldi", — dep yazdı Çubarov.
Daa evel Qırımtatarlar arasında Ukrayina Qaramanı unvanını 2017 senesi Reşat Ametov (2014 senesi Sabanda öldürildi) ve 2025 senesi Qara qışta elâk olğan ve bu unvan ile 2025 senesi taqdirlengen Seithalilev Dilâver aldılar.