«Fikir» rubrikası, mahsus Qırım.Aqiqat içün
Qırımnıñ işğali ve ilhaqından ve muhtariyet müzeylerinden olğan müzey eksponatlarnıñ taqdiri ile bağlı çoq vaqıtqa sürgen mahkeme davanıñ başlamasından keçken tahminen on yıl hatırlattı: halqara uquqnı bozmaq mümkün, öz Anayasanı ğayrıdan yazıp çıqmaq mümkün, qanunsız şekilde zapt etilgen territoriyanıñ daima saña ait olğani kibi davranmaq mümkün, amma bunen iç kimseni aldatmaq mümkün degil.
Rusiye Felemenk mahkemelerinde klasik bir oyma kibi davranmağa tırışqanı kibi körüne edi. Rusiye propagandası Rusiye ile Qırım arasındaki ferit alâqasında, Qırımnıñ Rusiye olğanı mevzusında israr etken olsa, Qırım altınına kelgende, Rusiye taarfı bunı unutqan kibi korbne edi ve Ukrayinada daisa aytılğan şey aqqında aytıp başlay edi, yani Qırımnıñ unikalligi aqqında.
"Skit altını"nıñ Ukrayinağa qatmasınadn soñ Rusiye prezidentiniñ matbuat kâtibi Dmitriy Peskovnıñ izaatında bile - o Qırmğa ait ve qırımda saqlanmalı, dep aytıla.
"Skit altını"nı qaytarmağa qarar bergen Felemenk advokatlarınıñ da pek qıymetli eksponatlarnıñ Qırımğa ait olmasını kör ögüne alaraq areket ettiler dep tüşünem. Yalıñız Qırım Rusiyeniñ işğali altındadır. Zapt etilgen ve reine alınğan birine malnıñ qaytarılması mümkünmi? Eminik ki, Qırım 2014 senesi yüz bergen facialı vaqialardan soñ Rusiyeniñ ambiyatsiyalarınıñ reinesi oldı.
Zapt etilgen ve reine alınğan birine malnıñ qaytarılması mümkünmi?
Bunıñ içün "Skit altını" Felemenkteki bir sergige tam yollanğan territoriyağa qaytması adalet ceetinden bir ğalebedir. Vladimir Putin ve Sergey Lavrovda bu qadar açuvğa sebep olğan qaidelerge köre yaşayış tam budır.
Bu, Qırım mevzusında ertemi keçmi sağlam tüşünce ve halqara uqqk qaideleri ğalip olacağını hatırlata. O zaman eksponatlar Qırım yarımadasınıñ işğalinden evel sergilengen müzeylerge qaytması mümkün olacaq.
Ve "Skit altını" Dmitriy Peskovnıñ aytqanı kibi, Qırımda saqlanacaq.
Ukrayinanıñ Qırımında.
Vitaliy Portnikov – jurnalist ve siyasiy izaatçı, Azatlıq Radiosı ve Qırım.Aqiqat müellifi
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
MALÜMAT: Ukrayinağa qarşı Rusiye silâlı ücümi 2022 senesi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.