Halqına ve ilhaq etilgen yarımadada repressiya ve qorquzuv kampaniyasına oğrağan arqadaşlarına qoltutmaq içün Qızıl meydanğa çıqqan qırımtatar faalleriniñ fotoresimlerine baqqanda Rusiye paytahtında öz közümnen körgen diger narazılıq aktsiyaları aqlıma kele.
Moskva Sovetler Birliginiñ paytahtı olıp qala edi, bölşevikler qanlı vatandaş cenkinde eski Rusiye imperiyasınıñ halqlarını yeñgen soñ insanlardan nefret etken rejim alâ daa sarsılmaz kibi körüne edi. Yaşağan memleketimde er şey izinden soñ berile edi – mal, aş, azatlıq bile.
Your browser doesn’t support HTML5
«Bizim balalarımız terrorist degil»: Moskvada narazılıq aktsiyasından soñ qırımlı faallerni tuttılar (video)
Bu qurşun keçirmez qorqu vaziyetinde paytahtta ilk qırımtatar faalleri peyda oldı
Bu qurşun keçirmez qorqu vaziyetinde paytahtta ilk qırımtatar faalleri peyda oldı, Stalin quvğan halqnıñ Vatanğa qaytuvı içün ilk çıqışlar başladı.
O vaqıt başqa bir şey daa yoq edi – ne Moskva demokratları, ne Baltiya memleketleriniñ halq cebeleri, ne de kommunist rejimi cinayetleriniñ mediada aydınlatılması. Tek er bir halq, er bir insan içün tabiiy olğan öz toprağında yaşamaq aqqına irişmek içün Moskvağa kelgen bu cesür insanlar bar edi. Daa Bibliyada qayd etilgen bu aq – halqımnı yiber!
SEE ALSO: "Halq küreşke azır"Elbette, çoqusı olarğa işanmayıp baqa edi. Çünki er şeyni ve er kesni kontrol etken rejimge nasıl qarşı çıqmaq mümkün. Yoq, narazılıq bildirmege olmay, aşalanıp afu etmeli, belki, akimiyet acır da bir şeyge izin berir! Öyle olamı?
Tek er bir halq, er bir insan içün tabiiy olğan öz toprağında yaşamaq aqqına irişmek içün Moskvağa kelgen bu cesür insanlar bar edi
Nasıl olsa da, rejim degil de, olar qazandılar. Narazılıq aktsiyaları başlağanından bir qaç yıl keçkeninen Sovetler Birligi dünya haritasından silinde – sanki bu çirkin yalan devlet iç bir vaqıt yoq edi. Qırımtatarlar ise evde, Vatanda. Qırımdalar.
Qızıl meydandaki narazılıq aktsiyalarınıñ fotoresimlerine baqıp, olar bu sefer de qazanacaqlarını bilem – başqa çare yoq. Bir çoq insanğa sarsılmaz kibi körüngen rejim yoq olacaq – onıñ hatırası tarih dersliklerinde bile qalmaycaq. Qırımtatarlar ise qalacaq. Evde. Vatanda. Qırımda.
Serbest Qırımda. Ukrainada.
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
Vitaliy Portnikov, Kyivli jurnalist, Qırım.Aqiqat közeticisi